Friday, September 2, 2011

බෝම්බ කතාවක්..


මම මේ කියන්නේ 2008 අවුරුද්දේ එක සඳුදා දවසක් ගැන. එදා මම උදේ 5.30 නුවර ඉදල එන ඔෆිස් කෝච්චියේ කොළඹ එනවා වැඩට යන්න. ඔන්න ඉතින් එදත් මම සුපුරුදු පෙට්ටියේ මගේ සුපුරුදු ආසනේට ගියා. අපේ පෙට්ටියේ හිටිය තැපැල් දෙපාර්තමේන්තුවේ ලොකු තනතුරක් දරන අය්ය කෙනෙක්. අපි මෙයාට ජගත් කියමුකෝ. මෙයා ටිකක් සද්දේ දාගන ඇහැ ගහගන ඉන්න කෙනෙක් වටපිටාවට. ඔය නුපුරුදු අය නුපුරුදු මලු එහෙම දැක්කම ටිකක් සද්දේ උස් කරලා අපේ කොම්පාර්ට්මන්ට් එකෙන් අහන්න මේ අය්ය පසුබට වෙන්නේ නෑ. කොහොමත් කෝච්චියේ යද්දී කට්ටිය ටික දවසකින් අඳුරගන්න හින්ද ඒක එච්චර දෙයක් නෙවෙයි.

ඉතින් ඔය කියන දවසේ සඳුදා කෝච්චිය රඹුක්කන පහු කරලා ටිකක් දුර ගියා විතරයි ඔන්න මහා සද්දයක් අවා කාගෙද මේ බෑග් එක.. කෝ අයිතිකාරයා ඉන්නවද?.. කියල ජගත් අය්යාගෙන්. ඔන්න එකපාරම සෙනග අස්සෙන් මීයෙක් වගේ පොරක් කෑගහන්න ගත්ත මගේ මගේ කියල.. හා හා හරි හරි කියල ජගත් අය්ය පොරව නෝට් කරගත්ත. ඔන්න ඉතින් දැන් කෝච්චිය වේයන්ගොඩ එහෙම පහු කරගෙන යනවා.. දෙපැත්තේ තියෙන්නේ වෙල් යායවල් ගුරු පාරවල් එහෙම. ඔය අස්සේ ජගත් අය්ය හොයනවා අර මල්ලේ අය්තිකාරයව. "කෝ දැන් මේ මල්ල ගේනවා මනුස්සයා?".. "ඉන්නවනම් පොඩ්ඩක් කියන්න." "දන්නවනේ අද රට?"... " කෝ දැන්?".." සිරිල් මල්ලි ඔයපැත්තේ ඉන්නවද බලන්න මේ මනුස්සයා?" "සුරංග. කොහේද බන් මේ යකා ගියේ?" ජගත් අය්ය දැන් මේ මනුස්සයව හොයන්නේ හරියට මු වැටිච්ච ඉදිකට්ටක් කියල හිතාගෙන වගේ. සාක්කු වල විතරයි බලන්නේ නැත්තේ. 

කොහොමින් හරි විනාඩි 10 විතර ඔය ජවනිකාව යනවා. දැන් මේක ගෙනාව මනුස්සයා නෑ. රිදී පාට බ්‍රීෆ් කේස් එකක් මේක. කට්ටිය දැන් බයවෙලා මේක බෝම්බයක්ද දන්නේ නෑ. මොකද කොටි එන්නේ ලේබල් ගහගෙන යෑ කියා කියා වැඩේ නියමෙට බවලත් අය අතර නැඟල යනවා. පිරිමි සෙට් එකම අරුට දෙකක් දෙන හැටියි බෑග් එක විසි කරන හැටියි කතා වෙනවා. අපේ ජගත් අය්යට ඔය අස්සේ අම්බ මල. "මේ පරය අපිව වල කජ්ජ ගස්සන්න මෙතන මේ මගුලක් ගෙනත්" කියල පොර මෙන්න එකපාරම බ්‍රීෆ් කේස් එක ජනෙලෙකින් එලියට විසි කරා.  හරි දැන් බඩුම තම කට්ටිය කතා නෑ සද්ද වහල කටවල් අරන් ජගත් අය්ය දිහා බලාගෙන ඉන්නවා. හරියට පොර මේ දැන් පුපුරන්න හදන බෝම්බයක් දතින් අල්ලලා විසිකරා වගේ.

ඔය මගුල් ඔක්කොම අස්සේ කෝච්චිය ඇවිත් ගම්පහ හරියෙන් නවත්තව්වා. මෙන්න අර මීය වගේ එකා කොහෙන්ද ඇවිත් අහනවා "මගේ බෑග් එක කෝ?".. "කෝ මෙතන තිබ්බ සිල්ව බ්‍රීෆ් කේස් එක?" කියකියා. කට්ටිය මුනෙන් මුණ බලාගන්නවා මිසක් උත්තර නෑ. ඔන්න ජගත් අය්ය නැගිට්ට.. "දන්නේ නැද්ද කාලේ හැටි?..කොහේද ඔලුවක් නැති වැඩ කරනවා. තැන් තැන් වල බෑග් දාල යන කාලයක්ද මේ? මේ තමුන්නාන්සේ ඔය මල්ල යනතැනක අරන්ගියනම් නේද හොඳ ? කව්ද දන්නේ ඕක මොකද්ද කියල? 
මී පුරවැසියා : මොකද්ද කියන්නේ? ඒක මගේ ඔෆිස් බෑග් එක. දැන් කොහේද මෙතන තිබ්බ ඒක?
ජගත් අය්ය: කොහේද කාටවත් නොකිය ගියේ? මම ඒක විසි කරා මොකද අහල අහල එකෙක්වත් එන්නේ නැතුවම කව්ද දන්නේ ඔහේ කොටියෙක්ද මේක බෝම්බයක්ද කියල? අපිට කියන්නේ ඔහේලවගේ මිනිස්සු මලු දාල ගියාම ඒවා පරිස්සම් කරගෙන ඉන්න කියලද ඒවා බෝම්බ උනත්?
මී පුරවැසියා : විසිකරා? තමුසේ මොන හයියකටද ඕක විසිකරේ? පිස්සු හරකෙක්. මගේ ඔක්කොම ඔෆිස් ඩොකියුමන්ට් ඒක ඇතුලේ. අනික මගේ ලැප්ටොප් ඒක?? බූරුව.. 
ජගත් අය්යට උපරිම මල දැන්.. බූරුව? මමද ඕයි බූරුව? පිස්සෙක් වගේ තැන්තැන්වල බෑග් දාල යනවා මදිවට කියවන්නත් එනවා. ඕක තමුසේ කොටියෙක් වෙලා මේක බෝම්බයක් උනා නම්? මොකද එතකොට කියන්නේ? මහත්තය ඕකේ ඔච්චර වටින දේවල් තිබ්බනම් ඔහේ දැනගන්න ඕනේ නේද ඕක පරිස්සමට තියාගන්න?
මී පුරවැසියා : කෙහෙම්මලක් කියවනවා. මම වතුර එකක් ගන්න කලින් ස්ටේෂමෙන් බැස්සම කෝච්චිය අද්දන්න ගත්ත. පස්සේ පෙට්ටියක යන්තම් එල්ලිලා එන්න හදනකොට මැද දොරක් වහල. එන්න බැරුව මම දැන් මේ එනගමන්. අපිත් මේ ආසාවට යනවා නෙවෙයි. මනුස්සයෙක්ට හදිස්සියක් උනාමවත් බලන්න දන්නේ නෑ.
ඔය කතාව අහගෙන හිටිය අපේ සෙට් එකට හොදට තදවෙලා අපේ උන්ටික අර මිනිහව කන්න පටන්ගත්තේ බවලත් සෙට් එකේ පුර්ණ අනුග්‍රහය යටතේ. පිස්සෙක් වගේ බෑග් තැන්තැන් වල තියල එනව මෙතන නීති කතා කරන්න. එක්ක එනවා තමුසෙගෙ ලෝයර්. අපිත් හොද ලොයර්ල තමයි හරිද? වගේ කතා කියකියා..

අන්තිමේ කොහොමහරි අර මනුස්සයා ඉස්සරහ ස්ටේෂන් එකෙන් බැහැල ගියා බෑග් එක හොයන්න. අපි ගියා වැඩට. හැබැයි එදත් එදයි ආයේ නෙවෙයි මම අර මීයා වගේ මනුස්සයා දැක්කේ කෝච්චියේ. දෙපැත්තම සාධාරණයි. නමුත් මට හිතෙන්නෙම අපේ ජගත් අය්ය හරි කියල. මොකද කව්ද දන්නේ එක බෝම්බයක් උනා නම්?

7 comments:

  1. great story,
    මම හිටිය නම් ජගත්ට තමා ඉතින් සපෝර්ට් එක,මොකෝ අපිත් ඒ කාලේ බරටම මලු උස්සගෙන ගමන් ගියේ හැබය් අපේ මලු නිසා කාටවත් කරදරයක් උනේ නැහැඅපි අපේ මලු ලගින් හෙල්ලෙන්නෙත් නැහැනේ .අනික එදා වගේම අදත් මේක කරන්න ඕන-මොකද අදකාලේ ගංජා කුඩු විතරක් නෙමේ පාතාලේ ආයුධත් මෙහෙම මලු වල දාල ගෙනියනවා,වැඩේ මාට්ටු වෙන්න යනකොට අය්තිකාරය මාරු,මම නම් අදටත් ඔයා උදව් කරන්නේ ළඟ ඉන්නවා කියන පොරොන්දුව අරගෙන ......මම හරිද මන්ද.......heh

    ReplyDelete
  2. මල කෙලියයි !!!!!
    කවුද දන්නේ ඕක බෝම්බයක්වත් ද කියලා. බැග් ඒක ගෙනාවනම් ඒ ලගින්ම ඉන්න ඒක තමයි ගොඩක් හොද නැත්නම් මේ වගේ සින් එකක් වෙන්න බැරි නේ

    ReplyDelete
  3. මාත් ඉතින් ජගත්ට තමා සපෝට්කරන්නේ

    1.ලැප්ටොප් එකක් ඔයවගේ තැනක දාල යන්නේ ,එක්කෝ ලැප් එකේ වටිනාකම නොදන්නා එකෙක් , නැත්නම් ඉතින් ඒක අනවශ්‍ය එකෙක්
    2.ඔච්චර වටින ලියකියවිලි නම් ඉතින් යන තැනක අරන් යන්න එපැයි.

    ඕක බෝම්බයක් උනානම් කාටද කියන්නේ ??

    ReplyDelete
  4. Tharinduhw122 : මමත් සප්පොර්ට් එක දුන්නේ ජගත් අය්යට තාම. එත් මිනිහට උනේ අකරතැබ්බයක් කියනෙකත් මට පොඩ්ඩක් හිතෙනවා..
    මදුරංග මල්ලි: අප්පා.. බෝම්බයක් උනානම් මලයෝ අද ක්සැන්ඩර් ගේ කොලම ලියන්න වෙන්නේ උඩ ඉදල තමා.... හේ හේ හේ..
    චම්ම මල්ලි: කතාව හරි.. අන්න ඌ තාම වේයන්ගොඩ පැත්තේ ලැප් එක හොයනවලු ... හිහි හි.. මගේ යාලුවෙක් දැන් කතා කරලා කිව්වේ....

    ReplyDelete
  5. අය්යෝ අසරණයාගේ මල්ල. මගේ කතාවත් මේ වගේ ගිය සතියේ හැබැයි මගේ මල්ල කුඩු කරන්න කලින් මන් බේරගත්ත..

    ReplyDelete
  6. අය්යාගේ පොස්ට් එකෙන් මගේ කතාව මට මීටර් උනේ. එකට ඉතින් ස්තුතිය ඔබතුමටමය. අසරණයා කොටියෙකු වී මල්ල බෝම්බයක් උනානම් අද මට මේ කොලම ලියන්න වෙන්නේ හඳට මීටරයක් විතර තියල ඉඳගෙන. කොහෙද එදා කොමෙන්ට් එකක්වත් දාන්න දුන්නේ නෑ මට ඉන්ටෙර්නෙට් එක්ස්ප්ලෝරර්.. ඉන්ටෙර්නෙට් එක්ස්ප්ලෝරර් මට ලෙඩ දුන්න හින්ද ඔන්න මම ඔපෙරා වලට අවා.

    ReplyDelete
  7. බෝම්බයක් නම් එලියට විසි කරල හරියනවද ? ස්ටේසමකදි නේද වුනේ , හොඳම දේ ස්ටේසමේ ආරක්ෂක අංශයේ ඉන්න කාට හරි බැග් එක බාරදෙන එක . එහෙමත් නැත්නම් ස්ටේසන් මහත්තයව ගෙන්නල බැග් එක මිනිස්සුන්ගෙන් වෙන් කරල තියන්න පුලුවන් තැනකට සෙට් කරන එක , අර මනුස්සය ට කියන්න තිබුනා තමුසෙගෙ හචා මල්ල ආන්න අහවල් ස්ටේසමේ තියනව නැත්නම් මෙලහකට පොලිසිය හරි හමුදාව හරි ගෙනිහින් ඇති ගිහින් හොයා ගන්නව කියල . වැඩට යන්නෙත් නැතුව බැග් එක හොය හොයා ඇවිදින්න වෙලා ඌට හොඳ දඬුවම , ඒ වගේම වටින කියන දේවල් නැති වෙන්නෙත් නැ

    ReplyDelete